Գաղտնիության քաղաքականություն

Beautify-ը հավատարիմ է ձեր անձնական տվյալների պաշտպանությանը: Սույն Գաղտնիության քաղաքականությունը բացատրում է, թե ինչ տվյալներ ենք հավաքում, ինչու ենք հավաքում և ինչպես ենք պահպանում դրանք, երբ դուք օգտվում եք beautify.am-ից կամ մեր բջջային հավելվածներից:

1. Ընդհանուր տեղեկություններ

Beautify.am-ը գեղեցկության ծառայությունների ամրագրման հարթակ է (Beautify ՍՊԸ, գրանցման հասցեն՝ ՀՀ): Մենք ապահովում ենք հաճախորդների և պրոֆեսիոնալ բիզնեսների միջև կապը։ Հարթակը հնարավորություն է տալիս հաճախորդին գտնել իրեն ամենամոտ, ամենահամապատասխան գեղեցկության սրահը կամ մասնագետին, տեսնել այլ հաճախորդների թողած կարծիքները գեղեցկության սրահների կամ մասնագետների աշխատանքի վերաբերյալ, կատարել առցանց ամրագրումներ։ Հարթակը գեղեցկության սրահներին և գեղեցկութան ոլորտի մասնագետներին հնարավորություն է տալիս տեսանելի դառնալ մեծ թվով հաճախորդների համար, ընդունել առցանց ամրագրումներ, համակարգել սրահի կամ մասնագետի աշխատանքային գրաֆիկը, ստանալ հիշեցումներ ամրագրումների վերաբերյալ, ունենալ կարծիքներ կատարած աշխատանքի վերաբերյալ:

Սույն քաղաքականությունը վերաբերում է բոլոր այցելուներին, գրանցված օգտատերերին և բիզնես գործընկերներին, որոնք օգտվում են մեր հարթակից:

2. Հավաքվող տվյալները

2.1 Ձեր կողմից տրամադրված տեղեկատվությունը

• Անձնական տվյալներ՝ անուն, էլ. փոստի հասցե, հեռախոսահամար և գաղտնաբառ գրանցման ժամանակ:
• Անձնական հաշվի տվյալները՝ հաշվի գլխավոր լուսանկար, ծանուցումների կարգավորումներ: Մեր բջջային հավելվածում տեսախցիկի թույլտվություն հարցվում է միայն այն պահին, երբ ընտրում եք հավելվածից անմիջապես նկարել պրոֆիլի լուսանկար:
• Ամրագրման տվյալներ՝ ընտրված ծառայություններ, ամրագրումների ամսաթվեր և ժամեր, ընտրված սրահներ, մասնագետ:
• Կարծիքներ՝ բիզնեսների կամ մասնագետների վերաբերյալ։
• Բիզնեսի կամ համագործակցող մասնագետի տվյալներ (միայն գործընկերների համար)՝ ընկերության, մասնագետի անուն, հասցե, աշխատանքային ժամեր, ծառայությունների ցանկ, աշխատակազմ (սրահների համար):
• Աջակցության մասնագետին ուղղված հաղորդագրություններ և կցված ֆայլեր:

2.2 Ավտոմատ կերպով հավաքված տեղեկություն

• Հավաքագրվում են կայքում անցկացրած ժամանակն ու կատարված գործողությունները:
• Սարքի տվյալները, որով այցելել եք հարթակ՝ բրաուզերի տեսակ, օպերացիոն համակարգ, էկրանի լուծաչափ:
• Տեղադրության տվյալներ. մոտավոր տեղադրություն՝ ըստ IP հասցեի, կամ ճշգրիտ տեղադրություն՝ ձեր թույլտվությամբ:

2.3 Երրորդ կողմերից ստացված տեղեկատվություն

• Google OAuth. եթե մուտք եք գործում Google-ի միջոցով, ստանում ենք ձեր անունը, էլ. փոստը և պրոֆիլի լուսանկարը:
• Անալիտիկ ծառայություններ. ամփոփ, անանունացված օգտագործման վիճակագրություն:

3. Տվյալների օգտագործումը

Հավաքված տեղեկատվությունն օգտագործում ենք հետևյալ նպատակներով.

• Ձեր հաշվի ստեղծում, կառավարում և ինքնության հաստատում, ներառյալ բջջային հավելվածում պրոֆիլի լուսանկարի վերբեռնումը կամ նկարելը:
• Ամրագրումների մշակում, հաստատում և հիշեցում:
• Ձեր կարծիքների և վարկանիշների ցուցադրում բիզնեսի էջերում:
• Համապատասխան որոնման արդյունքների, առաջարկությունների ու անհատականացված բովանդակության ցուցադրում:
• Ձեր հաշվի, ամրագրումների և հարթակի թարմացումների մասին հաղորդակցություն:
• Տեխնիկական խնդիրների և վեճերի հետաքննություն:
• Հարթակի բարելավման և նոր հնարավորությունների մշակման նպատակով օգտագործվող ձևաչափերի վերլուծություն:
• Իրավական պարտավորությունների կատարում:
• Տեսախցիկի թույլտվությունն օգտագործում ենք միայն հավելվածում պրոֆիլի լուսանկար նկարելու համար. այն չենք օգտագործում ֆոնային նկարահանման կամ այլ, կապ չունեցող հետևման նպատակներով:

4. Տվյալների փոխանցումը

Մենք ձեր անձնական տվյալները չենք վաճառում: Կիսվում ենք դրանցով միայն հետևյալ դեպքերում.

• Երբ կատարել եք ամրագրում որևէ բիզնեսից. ամրագրում կատարելիս բիզնեսը ստանում է ձեր անունը, կոնտակտային տվյալներն ու ամրագրման մանրամասները:
• Ծառայություն մատուցողներ. վստահելի երրորդ կողմեր, ովքեր օգնում են շահագործել հարթակը (հոսթինգ և նմանատիպ ծառայություններ):
• Օրենքի պահանջ. երբ բացահայտումը պահանջվում է օրենքով կամ դատական որոշմամբ:
• Միավորում այլ բիզներիս հետ կամ վաճառք. միավորման կամ վաճառքի դեպքում ձեր տվյալները կարող են փոխանցվել: Մենք կտեղեկացնենք ձեզ նախապես:

5. Քուքիներ և հետևման տեխնոլոգիաներ

Մենք օգտագործում ենք քուքիներ և նմանատիպ տեխնոլոգիաներ հետևյալ նպատակներով.

• Անհրաժեշտ քուքիներ. ձեր մուտքի պահպանում, կայքի կեղծ հարցումներից պաշտպանություն:
• Ֆունկցիոնալ քուքիներ. լեզվի, որոնման նախասիրությունների և ինտերֆեյսի կարգավորումների պահպանում:
• Անալիտիկ քուքիներ. հարթակում հաճախորդների վարքի ուսումնասիրություն բարելավման նպատակով:

Կարող եք կառավարել քուքիները ձեր բրաուզերի կարգավորումներից: Անհրաժեշտ քուքիների անջատման դեպքում կայքը կարող է չնույնականացնել հարթակում ձեր վարքը:

6. Տվյալների պահպանումը

Ձեր անձնական տվյալները պահում ենք այնքան ժամանակ, քանի դեռ ձեր հաշիվն ակտիվ է կամ ծառայությունների մատուցման համար ձեր տվյալներն անհրաժեշտ են.

• Հաշվի տվյալները պահպանվում են քանի դեռ չեք ջնջել ձեր հաշիվը
• Ամրագրումների պատմությունը պահպանվում է անժամկետ, օգտահաշիվը ջնջելու դեպքում շարունակվում են պահպանվել անանուն:
• Ձեր հրապարակած կարծիքները տեսանելի կմնան, եթե չպահանջեք դրանց հեռացումը կամ հաշիվը չջնջեք:
• Անալիտիկ տվյալները անանունացվում և պահպանվում են անժամկետ:

Հաշվի ջնջումից հետո ծառայությունների վերաբերյալ ձեր թողած կարծիքները և ծառայությանն առնչվող այլ տվյալներ կշարունակեն պահպանվել անանուն առանց հաճախորդին նույնականացնելու:

7. Անվտանգություն

Մենք կիրառում ենք ոլորտային ստանդարտ անվտանգության միջոցներ ձեր տվյալները պաշտպանելու համար.

• HTTPS (TLS) ծածկագրում ձեր սարքի և մեր սերվերների միջև փոխանցվող բոլոր տվյալների համար:
• Հեշավորված և աղավաղված գաղտնաբառերի պահպանում:
• Հարթակում բոլոր օգտատերերն ունեն սահմանափակ հնարավորություններ և տվյալների սահմանափակ հասանելիություն։
• Կանոնավոր անվտանգության ստուգումներ և խոցելիության գնահատումներ:

Ինտերնետի միջոցով փոխանցման ոչ մի մեթոդ 100% ապահով չէ: Եթե անվտանգության խոցելիություն եք հայտնաբերել, խնդրում ենք հաղորդել info@beautify.am-ին հրապարակային բացահայտումից առաջ:

8. Ձեր իրավունքները

Կախված ձեր գտնվելու վայրից, ձեր անձնական տվյալների վերաբերյալ կարող են ունենալ հետևյալ իրավունքները.

• Կարող եք պահանջել ձեր մասին պահվող անձնական տվյալները:
• Եթե նկատել եք ձեր անձնական տվյալների անճշտություն, կարող եք ուղղել կայքում կամ տեղեկացնել աջակցության թիմին:
• Կարող եք պահանջել ձեր անձնական տվյալների ամբողջական ջնջում:

Այս իրավունքներից որևէ մեկն իրականացնելու համար կապվեք մեզ հետ info@beautify.am էլ. հասցեով:

9. Երեխաների գաղտնիությունը

Beautify-ը նախատեսված չէ 16 տարեկանից փոքրերի համար: Մենք չենք հավաքում երեխաների անձնական տվյալներ: Եթե կարծում եք, որ երեխան մեզ անձնական տեղեկատվություն է տրամադրել, խնդրում ենք կապվել մեզ հետ:

10. Քաղաքականության փոփոխություններ

Կարող ենք թարմացնել սույն Գաղտնիության քաղաքականությունը: Էական փոփոխությունների դեպքում կտեղեկացնենք գրանցված օգտատերերին էլ. փոստով և կթարմացնենք «Վերջին թարմացում» ամսաթիվը:

11. Կապ մեզ հետ

Սույն Գաղտնիության քաղաքականության կամ ձեր տվյալների կառավարման վերաբերյալ հարցերի դեպքում կապվեք մեզ հետ.

• Էլ. փոստ՝ info@beautify.am
• Հեռախոս՝ +374 44 26 26 06
• Հասցե՝ Beautify ՍՊԸ, Երևան, Հայաստանի Հանրապետություն